بحـث
سحابة الكلمات الدلالية
المواضيع الأخيرة
أبريل 2024
الأحد | الإثنين | الثلاثاء | الأربعاء | الخميس | الجمعة | السبت |
---|---|---|---|---|---|---|
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 |
روائع حميد
صفحة 1 من اصل 1
روائع حميد
وريني شن طعم الدروس
ما دام بكانا مشي قطر
وكيف ذاتا ترتاح النفوس
تقبل قرايةً في سفر
زينوبة كر من حالى كر
قاعد لى فوق كيمان جمر
غربة وكمان حالاً فقر
عذبني قبل اصل القبر
زينوبة كل ما افتح كتاب
القاك في اول سطر
القى الجداول والصحاب
القى الجناين والتمر
زينوبة دنيا الاغتراب
خلتني زي ورق الشدر
انحت من عدم الشراب
عم الاراضى وانتشر
كيف زاتو يا نبع الحنان
انجح من الام السهر
يا يمة حان الامتحان
من وقتو بس فاضل شهر
ما اظنِي من جور الزمان
انجح واجيب ليكم نمر
عمرك سمعتيلك جبان
خاض المعارك وانتصر
في الحصة عقلى انا قام سدر
يمه المدرس لو فكر
كان يلقى قاعد فوق ككر
في الدونكا(المطبخ) لسع ما فطر
يسمع كليمة يا عشاى
واغلى الحكم عند الضجر
وانا قلبي كلو على جناي
وقلب جنايا على حجر
والله مش لو كان نهر (يعنى المدرس)
لو كالني بسيطان بقر
ما دام عقيل الجن سدر
ما اظنو من عندك حضر
بذاتو ابوى تلقاهو قام
فاتح كتابو مع الفجر
يقرأ ويرتل في كلام
ما بفهمو الناس الكفر
الشوق متل شوك الكتر
طعن الجسم لمن خدر
والله لو ما منجبر
ما كت بفارقك بي شبر
الغربة اصلوا طعيمة مر
لكني بعقد بالجبر
لمن سنين الهم تمر
يا ربي الهمني الصب
ما دام بكانا مشي قطر
وكيف ذاتا ترتاح النفوس
تقبل قرايةً في سفر
زينوبة كر من حالى كر
قاعد لى فوق كيمان جمر
غربة وكمان حالاً فقر
عذبني قبل اصل القبر
زينوبة كل ما افتح كتاب
القاك في اول سطر
القى الجداول والصحاب
القى الجناين والتمر
زينوبة دنيا الاغتراب
خلتني زي ورق الشدر
انحت من عدم الشراب
عم الاراضى وانتشر
كيف زاتو يا نبع الحنان
انجح من الام السهر
يا يمة حان الامتحان
من وقتو بس فاضل شهر
ما اظنِي من جور الزمان
انجح واجيب ليكم نمر
عمرك سمعتيلك جبان
خاض المعارك وانتصر
في الحصة عقلى انا قام سدر
يمه المدرس لو فكر
كان يلقى قاعد فوق ككر
في الدونكا(المطبخ) لسع ما فطر
يسمع كليمة يا عشاى
واغلى الحكم عند الضجر
وانا قلبي كلو على جناي
وقلب جنايا على حجر
والله مش لو كان نهر (يعنى المدرس)
لو كالني بسيطان بقر
ما دام عقيل الجن سدر
ما اظنو من عندك حضر
بذاتو ابوى تلقاهو قام
فاتح كتابو مع الفجر
يقرأ ويرتل في كلام
ما بفهمو الناس الكفر
الشوق متل شوك الكتر
طعن الجسم لمن خدر
والله لو ما منجبر
ما كت بفارقك بي شبر
الغربة اصلوا طعيمة مر
لكني بعقد بالجبر
لمن سنين الهم تمر
يا ربي الهمني الصب
وايضا هذه النحلة
النخلة في الليل المهول ...
وحيدا في عز الرياح
فارس يدارق في الرماح ...
الجايا من كل إتجاه
رغم الجراح ...شح المي ...
الزاد والسلاح
راكز يصول ...لا أنَّ لا حنى للجباه
لا خان بصيرتو الإنتباه
لا حتى قال ديل المغول ... لا خت آه
على عز قديم ... روح عجول
طول مداميك الصبر ...سدابا طاقات النباح
كل ما نزف من جوفو دم ...
كل ما عزف لحنو الصباح
نجم الميامين الحمش
ينضارى شان تشرق شمس
تدي الحياة... الناس ... الحقول
الدابة ... والطير ... والبمش
لكنو ما بخبر أفول ...
والأرض مخلاية التعب
مصلاية العشق الصعب ...ما بتستباح
زي نخلة ... في الليل المهول
كانت بتختبر الفصول
كانت بتمتحن الرياح ... كل ما تطول
والدنيا خوف ... عابر سبيل
يشوف عنف الرياح في النخلة ...
واللا النخلة في عنف الرياح ...
في ليل مهول
طوالي راح يحلف يقول
النخلة ما بترجى الصباح
والطيب الصابر سنين
راجيها باكر ... حقو راح
لا فك دين ... لا سد جوف
رزقو المعلق في الصبيط ...
مشهادو أصبح بين بين
النخلة ما بترجى الصباح
لكن ضراعا في البلد ....
عارف عروق النخلة وين
خابر صمودا المن متين
وسامع مناتقة الرياح ... ساكت صياح
لكن ضراعا في البلد ....
عارف عروق النخلة وين
ضامن ثبات ساقا الهطيط
وسامع مناتقة الرياح ... ساكت صياح
النخلة ما بتقدر تخون الأرض ...
ما بتقدر تكون غير المراح
لي همبريب يغشى البيوت ... عند الصباح
نص النهار ... عند المغيب ... عز الرياح
النخلة تتجاسر تصون عش الطيور
البينا ...تفرد للجناح ...
ما ليها غير تطرح تمور
تملأ الشواويل ... القفاف
ينتم زين ... ينحل دين
يطلق ضهر زولا بسيط
واقف على حد الكفاف
ومن ركة الرزق المتاح
رزقو المعلق في الصبيط
ينزل كما الطير الخفاف ...يقدل نشيط
يخضر زي شتل الضفاف ...
كل ما النشاف بدأ في الصبيط
والنخلة لو عنف الرياح ... الصاقعة
أهوال الفصول ... آفة الذبول ...
قدرت على ساقا الهطيط ... تقع
آ بتموت .......
تلقاها خشت في الببيوت ... بي كل صراح
تبروقة ...سجاجة طهورة ..
طبق من العرجون ... ضنيب هبابة ..
قفة وكسكسيكة ... حبل متين
فتلوهو في ضل الدليب
نشلوبو من بير للشراب
نسجوبو بنبر وعنقريب
تلقاها خشت في الببيوت ... بي كل صراح
حويبل جريد ... يعرش سقف بيتا جديد
أول دخلتو عريس سعيد
مبسوط يقرقر بإنشراح
أو حتى واقودا تقيدو السمحة ...
في نار بارتياح
لي يوم عزيز... يطلع خبيز
نبيذ الليل صفاح
يطلع ملاح ... بروبو ناسا ضيوف
ولي زول وراهو شغل بعيد ...
جابرا الظروف
يطلع قهيوتو وشاي صباح ...
وآخر المطاف
الموت بيلفح بسمة من توب الزفاف
الموت بشرق نسمة في كل الصبا
النخلة ترباية العباد ...
بي جلالا تنحول رماد
ورمادا ينحول سماد
وسمادا يدخل كم بلاد
وديانا تخضر والبطاح
شوف كيف كفاح النخلة ...
شوف كيفن بتتحدى الرياح
تصبر على مر الحياة ....
وتنمطق الموت بي جلد
من بعد ما ملت البلد ..شتلا معمر بالألوف
وشايل مخلف بارتياح
طول المصير ... النخلة حوتة الصحرا..
نوارة الجروف
تلقاها في أجمل وشاح
بي جراحا رجتنا الصباح ...
يا القلتو ما بترجى الصباح
النخلة تحت الأرض سر ...
والنخلة فوق نخلة نصاح
والدنيا أوسع ما تكون ... والجو براح
وكل الرياح فوقا بتمر ...
يكفيها دا ... ويكفيها صاح
ما استسلمت لي ريح غريب
وكل الرياح فوق بتمر ...
والنخلة ما بتعرف خلاف ريح اللقاح
والهمبريب ريح الصلاح
يا معوض الليل بالصباح
يا معود النار اللهب ...
روض نخلنا على الرياح
وفي لجة البحر الغريب ...
أدي الرواويس الصلاح
يكفيها دا ... يكفيها صاح
__________________
وحيدا في عز الرياح
فارس يدارق في الرماح ...
الجايا من كل إتجاه
رغم الجراح ...شح المي ...
الزاد والسلاح
راكز يصول ...لا أنَّ لا حنى للجباه
لا خان بصيرتو الإنتباه
لا حتى قال ديل المغول ... لا خت آه
على عز قديم ... روح عجول
طول مداميك الصبر ...سدابا طاقات النباح
كل ما نزف من جوفو دم ...
كل ما عزف لحنو الصباح
نجم الميامين الحمش
ينضارى شان تشرق شمس
تدي الحياة... الناس ... الحقول
الدابة ... والطير ... والبمش
لكنو ما بخبر أفول ...
والأرض مخلاية التعب
مصلاية العشق الصعب ...ما بتستباح
زي نخلة ... في الليل المهول
كانت بتختبر الفصول
كانت بتمتحن الرياح ... كل ما تطول
والدنيا خوف ... عابر سبيل
يشوف عنف الرياح في النخلة ...
واللا النخلة في عنف الرياح ...
في ليل مهول
طوالي راح يحلف يقول
النخلة ما بترجى الصباح
والطيب الصابر سنين
راجيها باكر ... حقو راح
لا فك دين ... لا سد جوف
رزقو المعلق في الصبيط ...
مشهادو أصبح بين بين
النخلة ما بترجى الصباح
لكن ضراعا في البلد ....
عارف عروق النخلة وين
خابر صمودا المن متين
وسامع مناتقة الرياح ... ساكت صياح
لكن ضراعا في البلد ....
عارف عروق النخلة وين
ضامن ثبات ساقا الهطيط
وسامع مناتقة الرياح ... ساكت صياح
النخلة ما بتقدر تخون الأرض ...
ما بتقدر تكون غير المراح
لي همبريب يغشى البيوت ... عند الصباح
نص النهار ... عند المغيب ... عز الرياح
النخلة تتجاسر تصون عش الطيور
البينا ...تفرد للجناح ...
ما ليها غير تطرح تمور
تملأ الشواويل ... القفاف
ينتم زين ... ينحل دين
يطلق ضهر زولا بسيط
واقف على حد الكفاف
ومن ركة الرزق المتاح
رزقو المعلق في الصبيط
ينزل كما الطير الخفاف ...يقدل نشيط
يخضر زي شتل الضفاف ...
كل ما النشاف بدأ في الصبيط
والنخلة لو عنف الرياح ... الصاقعة
أهوال الفصول ... آفة الذبول ...
قدرت على ساقا الهطيط ... تقع
آ بتموت .......
تلقاها خشت في الببيوت ... بي كل صراح
تبروقة ...سجاجة طهورة ..
طبق من العرجون ... ضنيب هبابة ..
قفة وكسكسيكة ... حبل متين
فتلوهو في ضل الدليب
نشلوبو من بير للشراب
نسجوبو بنبر وعنقريب
تلقاها خشت في الببيوت ... بي كل صراح
حويبل جريد ... يعرش سقف بيتا جديد
أول دخلتو عريس سعيد
مبسوط يقرقر بإنشراح
أو حتى واقودا تقيدو السمحة ...
في نار بارتياح
لي يوم عزيز... يطلع خبيز
نبيذ الليل صفاح
يطلع ملاح ... بروبو ناسا ضيوف
ولي زول وراهو شغل بعيد ...
جابرا الظروف
يطلع قهيوتو وشاي صباح ...
وآخر المطاف
الموت بيلفح بسمة من توب الزفاف
الموت بشرق نسمة في كل الصبا
النخلة ترباية العباد ...
بي جلالا تنحول رماد
ورمادا ينحول سماد
وسمادا يدخل كم بلاد
وديانا تخضر والبطاح
شوف كيف كفاح النخلة ...
شوف كيفن بتتحدى الرياح
تصبر على مر الحياة ....
وتنمطق الموت بي جلد
من بعد ما ملت البلد ..شتلا معمر بالألوف
وشايل مخلف بارتياح
طول المصير ... النخلة حوتة الصحرا..
نوارة الجروف
تلقاها في أجمل وشاح
بي جراحا رجتنا الصباح ...
يا القلتو ما بترجى الصباح
النخلة تحت الأرض سر ...
والنخلة فوق نخلة نصاح
والدنيا أوسع ما تكون ... والجو براح
وكل الرياح فوقا بتمر ...
يكفيها دا ... ويكفيها صاح
ما استسلمت لي ريح غريب
وكل الرياح فوق بتمر ...
والنخلة ما بتعرف خلاف ريح اللقاح
والهمبريب ريح الصلاح
يا معوض الليل بالصباح
يا معود النار اللهب ...
روض نخلنا على الرياح
وفي لجة البحر الغريب ...
أدي الرواويس الصلاح
يكفيها دا ... يكفيها صاح
__________________
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الخميس ديسمبر 18, 2014 8:40 pm من طرف محمدالنور
» كرنفال رابطة طلاب قرية عوض العليم الثاني تحت شعار نحو غد مشرق
الإثنين سبتمبر 16, 2013 2:58 pm من طرف محمدالنور
» تحديد اول يوم في رمضان الموافق 2013/7/1 في السودان
الإثنين يوليو 01, 2013 12:51 pm من طرف محمدالنور
» الف مبروك الي كل الطلاب والطالبات بقرية العليم النجاحين في امتحانات الشهادة السودانية 2013
الأحد يونيو 23, 2013 12:58 pm من طرف محمدالنور
» الف مبروك الدفعة الاخيرة من كهرباء قرية عوض العليم
الأحد يونيو 16, 2013 9:32 am من طرف محمدالنور
» نتيجة الشهادة السودانية 2013 يوم 10/6/2013
الإثنين يونيو 03, 2013 9:34 am من طرف محمدالنور
» الف مبروك الي الاخ عبد الحليم سعد عبد الحليم
الثلاثاء أبريل 09, 2013 12:23 pm من طرف محمدالنور
» الرقم الوطني في قرية عوض العليم
الجمعة يناير 18, 2013 9:49 am من طرف محمدالنور
» افراح قرية عوض العليم شهر يناير 2013
الخميس يناير 17, 2013 10:49 pm من طرف محمدالنور